پنجاب کی وزیر اطلاعات عظمیٰ بخاری نے لاہور کے داتا دربار کے سامنے کھلے مین ہول میں ماں بیٹی کے گرنے کے واقعے کو جھوٹا قرار دے دیا۔
انہوں نے سعدیہ نامی خاتون اور اس کی تین ماہ کی بیٹی کے بھاٹی گیٹ برڈ مارکیٹ کے قریب کھلے مین ہول میں گرنے کی خبروں کو جعلی قرار دیا۔
اپنے بیان میں عظمیٰ نے کہا کہ ریسکیو 1122 کے اہلکاروں نے ایک بار پھر چوکسی کا مظاہرہ کرتے ہوئے بروقت کارروائی کی جس سے معلوم ہوا کہ ماں اور بیٹی کے ڈوبنے کی خبر ’’جعلی‘‘ تھی۔
انہوں نے کہا کہ امدادی ٹیمیں فوری طور پر متحرک ہوگئیں اور انتظامیہ بھی موقع پر پہنچ گئی۔ جان بچانے کے مقدس مشن کے تحت خصوصی ریسکیو ٹیمیں اور غوطہ خور چند منٹوں میں جائے وقوعہ پر پہنچ گئے۔
عظمیٰ بخاری نے مزید کہا کہ لاہور کے داتا دربار کے قریب ریسکیو 1122 پنجاب کی جانب سے ایک بڑا سرچ آپریشن کیا گیا اور ریسکیو حکام کا کہنا تھا کہ شناخت شدہ گٹر کے سوراخ میں انسان کا ڈوبنا تکنیکی طور پر ناممکن تھا۔
ادھر لاہور کی مقامی انتظامیہ کا کہنا ہے کہ سیوریج لائن کا معائنہ کیا گیا اور بھرپور کوششوں کے بعد اس بات کی تصدیق ہوئی کہ وہاں کوئی واقعہ پیش نہیں آیا۔
