معروف بھارتی اداکارہ شردھا کپور کی ایک ویڈیو آج کل سوشل میڈیا کے مختلف پلیٹ فارمز کی زینت بنی ہوئی ہے۔
شردھا کپور سے متعلق مشہور ہے کہ وہ مداحوں کو مایوس نہیں کرتیں، جب بھی کوئی ان کے پاس سیلفی یا ویڈیو بنانے آتا ہے تو وہ خوشی سے اس کیلئے رضامند ہوجاتی ہیں۔
اسی طرح کی ایک ویڈیو زیرِگردش ہے جس میں شردھا اپنی چھوٹی سی مداح کو تسلی دیتی نظر آرہی ہیں۔
A sweet fan of #ShraddhaKapoor could not stop her tears when she saw her at the airport now 📸❤️@pinkvilla @ShraddhaKapoor #ShraddhaKapoor #airport pic.twitter.com/i99dpxIp0Q
— Pinkvilla (@pinkvilla) August 14, 2021
اداکارہ کو ائیرپورٹ پر دیکھ کر ان کی مداح خوشی کے مارے پھولے نہ سمائی اور بھاگتی ہوئی شردھا کے پاس آگئی۔
لڑکی کو ویڈیو میں روتے ہوئے بھی دیکھا جاسکتا ہے جب کہ شردھا پیار سے اسے بہلا رہی ہیں۔
بعدازاں لڑکی نے اپنی پسندیدہ اداکارہ کے ہمراہ سیلفی بھی لی۔
اس ویڈیو نے جہاں صارفین کے دِل جیتے وہیں حیرانی کا بھی اظہار کیا گیا۔ صارفین کے مطابق بہت کم اداکار اپنی ذاتی مصروفیت چھوڑ کر اس طرح کسی مداح کو وقت دیتے ہیں۔
