39

ویڈیو بیان لیک ہونے پر وزیراعلیٰ پنجاب نے ایس ایچ او سمیت دیگر کو معطل کر دیا

وزیر اعلیٰ پنجاب چوہدری پرویز الٰہی نے پی ٹی آئی کے سربراہ عمران خان کے کنٹینر پر فائرنگ کے واقعے میں گرفتار ملزمان کا ویڈیو بیان لیک کرنے پر ایس ایچ او سمیت متعلقہ تھانے کی پوری ٹیم کو معطل کر دیا ہے۔

یہاں ایک اجلاس کی صدارت کرتے ہوئے وزیر اعلیٰ نے انسپکٹر جنرل آف پولیس کو ویڈیو لیک کرنے میں ملوث پولیس اہلکاروں کے خلاف قانونی کارروائی کرنے کی ہدایت کی۔

وزیراعلیٰ نے واقعہ کی انکوائری کرانے کی ہدایت کردی۔ انہوں نے کہا کہ تمام پولیس اہلکاروں کے موبائل فون تحویل میں لے لیے گئے ہیں اور فرانزک آڈٹ کرایا جائے گا۔ انہوں نے کہا کہ ویڈیو لیک سے متعلق حقائق سامنے لائیں گے۔

اجلاس میں عمران خان کے کنٹینر پر فائرنگ کے واقعہ کا بھی جائزہ لیا گیا۔

اجلاس میں سپیکر پنجاب اسمبلی سبطین خان، ایم پی اے حافظ عمار یاسر، شفقت محمود، اختر ملک، آئی جی پی، وزیراعلیٰ کے پرنسپل سیکرٹری، کمشنر، سی سی پی او لاہور اور دیگر متعلقہ افسران نے شرکت کی۔

اس خبر پر اپنی رائے کا اظہار کریں

اپنا تبصرہ بھیجیں