بین الاقوامی ایتھلیٹ اور ٹینس اسٹار ثانیہ مرزا نے بالآخر اپنے سابق شوہر شعیب ملک کی اداکارہ ثنا جاوید کے ساتھ شادی پر ردعمل دیتے ہوئے ان کے نئے سفر کے لیے نیک خواہشات کا اظہار کیا۔
شعیب ملک نے 20 جنوری کو ایک پوسٹ میں اداکارہ ثنا جاوید سے شادی کی خبر بریک کی تھی۔
مرزا خاندان اور ٹیم ثانیہ نے انسٹاگرام پر ایک پوسٹ میں کہا: “ثانیہ نے اپنی ذاتی زندگی کو ہمیشہ عوام کی نظروں سے دور رکھا ہے۔ تاہم آج ضرورت اس امر کی ہے کہ وہ یہ بات بتادیں کہ شعیب اور ان کی طلاق کو چند ماہ ہوئے ہیں۔ وہ شعیب کو ان کے نئے سفر کے لیے نیک خواہشات کا اظہار کرتی ہیں۔
بیان میں کہا گیا ہے کہ “ان کی زندگی کے اس حساس دور میں، ہم تمام مداحوں اور خیر خواہوں سے درخواست کرنا چاہیں گے کہ وہ کسی قسم کی قیاس آرائیوں میں ملوث ہونے سے گریز کریں اور ان کی پرائیویسی کی ضرورت کی نمائندگی کریں۔”
بھارتی ٹینس اسٹار ثانیہ مرزا کے والد نے مبینہ طور پر اس بات کی تصدیق کی ہے کہ انہوں نے اپنے سابق شوہر شعیب ملک کو خلع کے ذریعے طلاق دینے کا حق استعمال کیا۔
ہندوستانی خبر رساں ایجنسی، پی ٹی آئی نے ہفتے کے روز ثانیہ کے والد عمران مرزا کے حوالے سے کہا کہ “یہ ایک خلع تھا”، جس سے مراد ایک مسلمان عورت کے اپنے شوہر کو یکطرفہ طور پر طلاق دینے کا حق ہے۔
– Alhamdullilah ♥️
"And We created you in pairs" وَخَلَقْنَاكُمْ أَزْوَاجًا pic.twitter.com/nPzKYYvTcV
— Shoaib Malik 🇵🇰 (@realshoaibmalik) January 20, 2024