وفاقی حکومت نے ہفتے کے روز پیٹرولیم مصنوعات کی قیمتوں میں کمی کا اعلان کرتے ہوئے بین الاقوامی سطح پر تیل کی قیمتوں میں کمی کے باعث صارفین کو کچھ ریلیف دیا۔
اس بات کا اعلان وزیر خزانہ اسحاق ڈار نے پریس کانفرنس کے دوران کیا۔ پیٹرولیم مصنوعات کی نئی قیمتوں کا اطلاق نصف شب سے ہو گا۔
Petroleum Products Prices:
July 16 to July 31, 2023:REDUCTIONS:
MS Petrol—with Rs 9 per litre reduction, new price Rs 253 per litre.
High Speed Diesel —with Rs 7 per litre reduction, new price Rs 253.50 per litre.
— Ishaq Dar (@MIshaqDar50) July 15, 2023
ڈار نے کہا کہ پیٹرول کی قیمت میں 9 روپے فی لیٹر کمی کی گئی ہے، جبکہ ہائی اسپیڈ ڈیزل (ایچ ایس ڈی) کی قیمت میں 7 روپے فی لیٹر کمی کی گئی ہے۔
کمی کے بعد پیٹرول کی قیمت 253 روپے فی لیٹر پر آگئی ہے جبکہ ایچ ایس ڈی اب 253 روپے 50 پیسے فی لیٹر میں دستیاب ہوگا۔
ڈار نے کہا کہ بین الاقوامی آئل مارکیٹ میں گزشتہ 15 دنوں کے دوران ایک چیز کی قیمت میں اضافہ اور دوسری میں کمی ہوئی ہے۔ تاہم ڈالر کے مقابلے پاکستانی روپے کی قدر میں اضافے کے باعث حکومت صارفین کو ریلیف دینے میں کامیاب ہو گئی ہے۔
انہوں نے کہا کہ حکومت نے بین الاقوامی مالیاتی فنڈ (آئی ایم ایف) کے ساتھ معاہدے کے باوجود ابھی تک پٹرولیم ڈویلپمنٹ لیوی میں اضافہ نہ کرنے کا فیصلہ کیا ہے۔
ڈار نے مزید کہا کہ وزیر اعظم شہباز شریف عوام کو زیادہ سے زیادہ ریلیف دینا چاہتے ہیں۔