ذرائع کے مطابق جمعرات کو پٹرول کی قیمت میں 16 اکتوبر 2021 سے اضافہ ہونے کا امکان ہے۔
ذرائع نے بتایا کہ اس حوالے سے آئل اینڈ گیس ریگولیٹری اتھارٹی (اوگرا) نے پٹرولیم ڈویژن کو سمری بھیجی ہے جس میں پٹرولیم مصنوعات کی قیمتوں میں تبدیلی کی تجویز دی گئی ہے۔
ذرائع نے مزید بتایا کہ اوگرا نے پٹرول کی قیمت میں 5 روپے 90 پیسے فی لیٹر اضافے کی تجویز دی ہے۔ اتھارٹی نے ڈیزل کی قیمتوں میں 9.75 روپے فی لیٹر اضافے کی بھی سفارش کی ہے۔
پٹرولیم ڈویژن پیٹرولیم مصنوعات کی قیمتوں کے حوالے سے حتمی فیصلہ وزیراعظم عمران خان کی مشاورت سے کرے گا۔
