دی نیوز نے رپورٹ کیا کہ کراچی کے نیو کراچی سیکٹر 5-J ایریا میں ایک شخص نے مبینہ طور پر ایک خاتون کو چند روز قبل اس کے بھائی کے ساتھ جھگڑے کے بعد قتل کر دیا۔
متوفی کی شناخت 25 سالہ صبا کے نام سے ہوئی جو کہ ایک سماجی کارکن تھی، جسے طبی اور قانونی کارروائیوں کے لیے عباسی شہید اسپتال منتقل کیا گیا۔
بلال کالونی کے ایس ایچ او نواز بروہی نے واقعے کی تفصیلات بتاتے ہوئے کہا کہ خاتون پر اس کے پڑوسی غضنفر نے حملہ کیا جب وہ امتیاز نامی شخص کے خلاف اپنے مقدمے کی سماعت کے لیے عدالت جارہی تھی۔
ان کا کہنا تھا کہ صبا نے امتیاز پر گلشن معمار میں صحافی کا روپ دھارنے اور زیادتی کا الزام لگایا تھا۔
ایس ایچ او نے کہا کہ پولیس کو شبہ ہے کہ غضنفر نے صبا پر حملہ اس کے اور صبا کے بھائی کے درمیان گلی میں کچرا پھینکنے پر ہونے والے جھگڑے کا بدلہ لینے کے لیے کیا۔
انہوں نے کہا کہ ملزم نے مبینہ طور پر جھگڑے کے دوران صبا کے ساتھ بدتمیزی بھی کی۔
ایس ایچ او نے مزید بتایا کہ غضنفر نشے کا عادی ہے اور سیاسی جماعت کا کارکن ظاہر کرتا تھا۔
انہوں نے مزید کہا کہ پولیس نے غضنفر کے خلاف مقدمہ درج کرنے اور اس کے بھائیوں دانش اور احسن کو گرفتار کرنے کے بعد معاملے کی تفتیش شروع کر دی ہے۔
