پاکستان انٹرنیشنل ایئرلائنز نے کینیڈا کے ہوٹل میں روم سروس خاتون کو مبینہ طور پر ہراساں کرنے کی شکایت پر اپنے اسٹیورڈ کو معطل کر دیا ہے۔
ذرائع کے مطابق مبینہ واقعے کے بعد ہوٹل کے عملے نے کینیڈین پولیس کو فون کیا۔ پولیس نے سینئر فلائٹ اسٹیورڈ کو مبینہ طور پر کچھ دیر تک حراست میں رکھنے کے بعد فوراً ہوٹل چھوڑنے کو کہا۔ ہوٹل انتظامیہ نے ادریس خان کو مستقبل کے لیے بلیک لسٹ بھی کر دیا۔
ادریس 7 جولائی کو پی آئی اے کی پرواز پی کے 781 کے ذریعے اسلام آباد سے ٹورنٹو پہنچا تھا۔ پی آئی اے کے ترجمان کے مطابق سٹیورڈ کی گرفتاری اور تھانے لے جانے کی افواہوں میں کوئی صداقت نہیں ہے۔
ترجمان نے بتایا کہ متاثرہ خاتون کی جانب سے پی آئی اے انتظامیہ کو شکایت درج کرانے کے بعد ادریس کو معطل کیا گیا۔